الرئيسيةالبوابهالمنشوراتمكتبة الصورس .و .جالأعضاءالمجموعاتبحـثالتسجيلدخول
المواضيع الأخيرة
» للتعيين فورا بشركة كبري بالدقي
الإثنين يونيو 19, 2017 11:04 am من طرف يوسف بسام

» عروض كاميرات مراقبة 2017
الإثنين يونيو 19, 2017 11:00 am من طرف يوسف بسام

» للتعيين فورا بشركة كبري بالدقي
السبت يونيو 17, 2017 12:02 pm من طرف يوسف بسام

» تخفيضات علي نظم كاميرات المراقبة في مصر بمناسبة شهر رمضان الكريم
السبت يونيو 17, 2017 11:59 am من طرف يوسف بسام

» مطلوب للتعيين فورا
الأربعاء يونيو 14, 2017 1:02 pm من طرف يوسف بسام

» تخفيضات علي نظم كاميرات المراقبة في مصر بمناسبة شهر رمضان الكريم
الأربعاء يونيو 14, 2017 12:59 pm من طرف يوسف بسام

» حكم وأقوال علي بن أبي طالب كرم الله وجهه
الأحد يونيو 11, 2017 9:27 pm من طرف عبدالعظيم سعادي

» ( اطلب المستحيل من الله )
الجمعة يونيو 09, 2017 8:39 pm من طرف عبدالعظيم سعادي

» إنتبه لروحك
الأربعاء يونيو 07, 2017 12:00 pm من طرف عبدالعظيم سعادي

تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية Digg  تسجيل صفحاتك المفضلة في مواقع خارجية Delicious  تسجيل صفحاتك المفضلة في مواقع خارجية Reddit  تسجيل صفحاتك المفضلة في مواقع خارجية Stumbleupon  تسجيل صفحاتك المفضلة في مواقع خارجية Slashdot  تسجيل صفحاتك المفضلة في مواقع خارجية Yahoo  تسجيل صفحاتك المفضلة في مواقع خارجية Google  تسجيل صفحاتك المفضلة في مواقع خارجية Blinklist  تسجيل صفحاتك المفضلة في مواقع خارجية Blogmarks  تسجيل صفحاتك المفضلة في مواقع خارجية Technorati  



قم بحفض و مشاطرة الرابط على موقع حفض الصفحات

شاطر | 
 

 علاج الارق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sara
Queen
Queen
avatar

انثى مشآركـ ـآتـي مشآركـ ـآتـي : 6994
وين ساكن : القصيم
عملك او هوايتك : الابحار بمنتدى مملكة قصيميه
حالتك النفسيه : الحمدلله والشكر
نشاط العضو :
0 / 1000 / 100

مساحه خاصه : انـا وااارثهـ مـن ((أبويـ ))
النفس الابيه...
والوفااا مـن طـبـ ع ـي وطـبع نااسي..
مادخلت النت ادور للـ ح ـميهـ ....او ادور من يحن ومن يواسي .. وما ادور لاحبيب ولاخويهـــ....الشرف ستري وثوبي مع لباسيــ ..

السٌّمعَة : 28
نقاط : 8961
تاريخ التسجيل : 24/03/2007

مُساهمةموضوع: علاج الارق   الثلاثاء أبريل 19, 2011 11:20 pm

افتحوا هالموضوع اولا
النـــــــوم وبدون قلق أو أرق <<




كثير أحسانا في الليل نجلس نتقلب و مانقدر ننام
و توصل معنا للساعتين و الثلاث و احنا على السرير
أنا شخصيا تصير معي كثير لدرجة صرت أعرف انه بيجيني
ارق اقوم من السرير ض1

جبت طريقه علميه سواها أحد الأشخاص اسمه نيكولاس نيوبورت
وهي وشلون نفهم عملية النوم أساسا حتى ننام

بس قبل وشو الأرق؟
هو شي مخيس ما يخلينا ننام في الليل و للأسف احنا نفسنا السبب فيه بس ماندري


فيه طريقة اسمها شلل الاستيقاظ < و انت (كأنك نايم)
يعني نوهم الجسم انه احنا نايمين و نخليه يدخل مرحلة النوم و احنا اصلا مانمنا صدق.
و بكذا نسرع عملية النوم!

باقي نعرف وشو شلل الاستيقاظ أو Waking sleep paralysis

هو طريقه حمايه يستخدمها الجسم و احنا نايمين
يعني لو حلمنا اننا نركض و احنا مادخلنا هالمرحله بنقوم و نركض
و نتوقض بس سبحان الله هالشي موجود عشان يحمينا من الاحلام اللي كذا

عمله انه يفصل قدرة العقل على التحكم بالعضلات الاراديه
عشان نقدر نحلم و احنا مرتاحين
و الا كان بعد كل حلم فيه حركه قويه نصحى

طبعا احنا ماندري عن هالحاله لأن في الوقت اللي يصير في هالشي
عقلنا قد دخل مرحلة النوم من فتره

و علينا عشان ندخل هالمرحله و احنا واعين اننا
ندخل العقل اللاواعي قبل ما ينام الجسم و العقل

لأننا نبي عقل صاحي و جسم نايم

طبعا هالشي يتم بخطوتين
1- نلعب على الجسم و نخليه يعتقد ان احنا نايمين
2- هو الدخول لما نسميه بالحلم الشفاف أو OBE

Lucid Dreaming
هو الحاله اللي يدخلها الجسم بعد دخوله مرحلة شلل الاستيقاظ حيث يمكن للشخص
الحلم وهو واعي تماما للحلم و يمكنه تذكر أحداثه بشكل جيد

OBE
و هي تعتبر مثل الاسقاط النجمي في هالموضوع للأخ حزن النبلآء ~

و هالشي اللي هو الشلل يصير كل مره ننام فيها لكن مانشعر فيه ابدا
و عشان ندري انه احنا دخلنا الحاله لو صحينا و لقينا نفسنا
غير قادرين على الحركه و كأن علينا بطانيه ثقيله
و يمكن يكون فيه صعوبه في التنفس بس هذا شي طبيعي
لأن أصلا كذا نتنفس و احنا نايمين بس ماندري

هل هو خطر؟
لا لأنه شي نسويه اصلا كل ليله
و فيه طريقه تمكنا من الخروج من الحاله اي وقت نبي هي باننا نتحرك
بس فيه مشكله لو اننا دخلنا الحاله بشكل 100%
عشان كذا الحل الوحيد هو تغيير طريقة التنفس
لأنه شي مايتحكم فيه الجسم بشكل كامل
بمجرد تغيير نمط التنفس الى نمط اهدى شوي شوي نقدر نطلع من الحاله

أحسن شي في المسأله انه فيه ناس عرفوا انهم اصلا مايتنفسون احيانا ابدا
و هذا مرض اسمه sleep apnea و يجي لبعض الناس وهم نايمين
و شلل الاستيقاظ يساعدنا نعرف لو عندنا مثل هالمشاكل أو لا
بس لازم نفرق بينه و بين الشعور بالثقل في التنفس

و بس نقدر نسويها نقدر نشوف و احنا واعين جسمنا وهو جالس ينام
و ممكن وقتها لو نشوف أحلام اننا نتذكرها بشل عادي جدا
مو مثل لو نمنا عادي ممكن ننسى بمجرد مانصحى
بس هذا يتطلب خطوه اضافيه ماراح أذكرها بعد

و عشان نتأكد من نجاح العمليه بنحس بالثقل على الرجلين و يمشي الى
الصدر و بعدين الرأس و اذا و صل الرأس نكون دخلنا 100% في الحاله

,

نجي للجزء اللي نخلي فيه الجسم ياخذ اذن انه ينام من العقل
و بعدين نعطيه الـ OK عشان ينام..

شلون نسويها؟
أحسن شي انه العقل و الجسم مايدرون كل واحد وش الثاني يسوي
بشكل مباشر أو قوي

يعني كم عمليه يسوي جسمي باليوم؟
العقل على الأغلب مايدرك هالأشياء

و نفس العمليه العكس
لو مخي نام و جالس يحلم
جسمي مايدري بالأكيد وش يصير في عقلي
و الا لو عقلي نايم فعلا او لا

طيب متى لازم جسمي يعرف عشان ادخل الحاله؟
العقل و الجسم متصلين على الرغم من اللي قلته قبل شوي
و لازم نتعلم لغة التواصل بينهم حتى نقدر نأمر الجسم
يسوي بعض الاوامر المهمه لهالعمليه

أول كلمه هي الانقلاب (ننقلب يمين و يسار و احنا نبي ننام)

الجسم ذكي سبحان الله، لو جلسنا فتره ماتحركنا ماراح على طول
يدخل عملية النوم يمكن يصير مشاكل كذا

هو يسوي اختبار بسيط و يرسل للعقل اشارة انه ينقلب على جنب
كثير و احنا على وشك النوم نحس ودنا ننقلب على جنب خخخخخخ
وش الخدعه هنا؟

اننا مانسوي هالشي و نجلس مانتحرك حتى لو خلاص ودك تنقلب
لا تتحرك و خلك مثل ما انت جالس بدون أي حركه
لأن الحركه ترسل للجسم اشاره انه يبقى صاحي بدل ماينام

هنا الجسم بيتأكد لو مافي استجابه ان العقل نام و بينام هو
لو تحركنا هذا يدل اننا صاحين و يبقى الجسم صاحي


بس فيه أنواع لها:

1- لو احنا مره تعبانين و جسمنا بسرعه استرخى هنا الجسم مايرسل للعقل كثير اشارات لأنه خلاص بينام
2- النوع الثاني هو العكس، لو احنا جسمنا مشدود و تعبانين كفايه بتقوى الاشاره
اللي نتجاهلها للانقلاب و بتصير شي يضايقك و يمكن في هالحاله الجسم مايدخل حالة شلل الاستيقاظ
3- النوع الثالث يكون حالة الجسم فيه نفس النوع الثاني بس الجسم مايرسل اشارات كثيره و يمكن اشاره وحده لو نتجاهلها لبضع
ثواني ممكن ندخل حالة الشلل بس لو كنا مب مسترخين كفايه يمكن ندخل حاله من الشلل النصفي فقط و فيه طرق تخلينا ننتقل من النصفي للكامل
4- لو كنا تعبانين مره و الجسم خلاص يبي ينام بسرعه أو لو كنا تونا صاحين من نومه رهيبه و مسترخين للآخر ممكن نرجع ننام مره ثانيه

و عشان نخلي هذا يجي بسرعه لازم نسرع عملية roll signal أو الانقلاب أثناء النوم
شلون نسويها طيب؟

الطريقه هي اننا نستخدم وضعية الجسم الصحيحه اللي تخلي الجسم يرسل
اشاره بسرعه عشان يتأكد اننا نايمين أو لا



هي و اننا ننام على ظهرنا و يدنا جنبنا
وقتها بنحس اننا ودنا نحط يدينا على بطننا أو اننا نحط رجل فوق رجل
هذا نوع من أنواع اشارات الانقلاب بس بشكل اخف

اذا حسيتوا بهالاحساس يعني انتوا في الطريق الصحيح
أهم شي مانطيعه و نسوي اللي يبي

الجسم أصلا جالس يحاول ينام و يرسل اختبار للعقل
بس كل ما تحركنا كأننا نقول له لا تونا باقي خخخخخ و يرجع
يعدل الساعه البيولوجيه و هكذا و هذا يسبب الأرق بس لو ماتحركنا راح يظن اننا نمنا و ينام

و بس نجلس منسدحين مانسوي شي؟
في طرق تسرع عملية النوم مثل تغيير وضعيات معينه للجسم
مثل الصوره



1- هو اننا نحط يدنا فوق راسنا و نحاول نسترخي قدر المستطاع و اسمها خطوة الاسترخاء و بس تحس انك استرخيت كفايه
2- ننزل اليدين و نخليها متوازيه مع الجسم و اسم هالخطوه السؤال و فيها الجسم يسأل العقل و أهميتها تخلص الاكتاف من التنشن
اللي ماراح و هنا الجسم فعلا بيظن ان العقل نايم و بيحس انه يبي ينقلب عشان الاختبار و أكبر مرحله نحس فيها خلاص الجسم معد يقدر و الا يبي ينقلب
3- ننتقل للمرحله اللي هي خطوة الموافقه و نخلي الجسم ببطئ ينقلب على جنب و مانتحرك أبدا لين ننام

اللي يقهر ان الجسم تتغير اختباراته
يعني لو نايمين على ظهرنا بيرسل اشاره نحرك يدينا او ننقلب
و لو منقلبين بيرسل اشاره اننا نحرك رجولنا بس لا تخلونه يخدعكم

و فيه خدعه ثانيه بعد لو ماقدرتوا تنامون
وهي اننا نسوي اشارةroll signal حتى قبل نروح للسرير

و هي اننا ننسدح جنب السرير على الأرض و مانتحرك
بوضعية ننام على ظهرنا لدقايق شويه و بس نرجع للسرير
الجسم بيحس انه في نعمه و بيحاول ينام بأسرع شكل ممكن



تتخيلون انه هالاشاره بس نحتاجها عشان ندخل مرحلة الشلل

,

فيه نوعين من أوامر النوم
1- بداية أو مفاتيح النوم
وهي مثل اننا نخلق اشارة الانقلاب

2- محفزات النوم
و هي لم نقول للجسم ايه خلاص نام
و مثال عليها نتجاهل الاشارات





_________________

قرووب♥مملكة♥ قصيميه♥
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://saaraa.niceboard.com
sara
Queen
Queen
avatar

انثى مشآركـ ـآتـي مشآركـ ـآتـي : 6994
وين ساكن : القصيم
عملك او هوايتك : الابحار بمنتدى مملكة قصيميه
حالتك النفسيه : الحمدلله والشكر
نشاط العضو :
0 / 1000 / 100

مساحه خاصه : انـا وااارثهـ مـن ((أبويـ ))
النفس الابيه...
والوفااا مـن طـبـ ع ـي وطـبع نااسي..
مادخلت النت ادور للـ ح ـميهـ ....او ادور من يحن ومن يواسي .. وما ادور لاحبيب ولاخويهـــ....الشرف ستري وثوبي مع لباسيــ ..

السٌّمعَة : 28
نقاط : 8961
تاريخ التسجيل : 24/03/2007

مُساهمةموضوع: رد: علاج الارق   الثلاثاء أبريل 19, 2011 11:21 pm



في هالجزئيه بغطي 5 أوامر
2 منها من المفاتيح
و 3 الأخيرات من المحفزات

1
التنفس أثناء النوم
أول شي هو التنفس اثناء النوم و هو اننا نحاول قدر الامكان
اننا نقلد تنفسنا واحنا نايمين عشان الجسم ياخذه على انه اشاره اننا نايمين
الجسم وقتها بيظن انه نايم حتى لو العقل صاحي تماما

أحسن طريقه هي تسجيل صوتك و انت نايم
عشان تسمع نفسك و انت تتنفس و تطبق عليه

لو ماتبي انا بحط مقطع صوت لأحد يتنفس ممكن تستخدمونه
بس أحسن شي نجرب بنفسنا احنا أضبط @@

1- لو ماعندنا النمط الصح للتنفس يمكن انها تطول العمليه لحد ماننام
2- أحيانا و احنا نسويه نحس انه مانفع وودنا نوقف و طفشنا بس لو كملنا فجأه ممكن يصير
blackout ويا نلاقي نفسنا صاحين اليوم الثاني او نحلم و أحسن حل اننا نستخدم مؤقت عشان ماننام مره
3- ممكن التنفس بعد يعطينا شعور بالخدر زي أول مانصحى من النوم و مانبي نقوم من السرير، وهو دليل على انه ناجح التنفس و اننا شوي و بننام

2
حركة العين
العين لأنه طول اليوم تتحرك فانها تعودت على نمط معين
و انها حتى لو انك تبي تنام بتجلس تتحرك يمين و يسار
حتى لو سكرنا العين و حاولنا مانخليها تتحرك بنحس بحركه بسيطه فيها
أصعب شي هو انك تخلي العين تسترخي

بس لو نخلي العين بدون حراك فتره بسيطه
الجسم بفسر هذا على ان العقل يمكن نام
حتى لو ان عضلاتك مشدوده أو شي

قبل ماننام أحسن حل نسوي تدريب لهم
باننا نحركهم بشكل دائري في كلا الاتجاهين
و نتدرب عليه كم من يوم و بعدها بنحس اننا قادرين نخلي العين تثبت
و هذا بخلينا ننام بشكل أسرع

خلصنا من الثنين
و باقي لنا محفزات النوم الثلاثه


1
ايقاف التنفس مؤقتا

لو دخلنا مرحلة الشلل بنسبة 90% ونبي ندخل بشكل كلي
بس مانقدر لأن العضلات مشدوده

نحاول نسوي هالحركه باننا بعد الزفير نكتم التنفس فتره بسيطه و بعدين نرجع نتنفس طبيعي
مثل قبل هذا بخفف التنشن على العضلات

يمكن نحتاج نسويها 3 مرات او اقل بين كل مره 15 ثانيه

2
وخز العضلات

طبعا مب وخز حقيقي
وهي اننا نحرك شوي العضلات بشكل بسيط جدا
عشان ينتقل لها الشلل .. هذا نسويه لما نكون في حدود 95% من الشلل
السبب انها تنفع اننا وحنا نايمين نحلم و هالاحلام ممكن تحرك عضلاتنا بس بشكل بسيييط جدا و
لو احنا سويناها و احنا صاحين راح يكون كأننا نقلد مرحلة النوم فبتتسرع العمليه أكثر

3
تحريك العين يمين و يسار وهي مغمضه بشكل سريع جدا لمدة 10
ثواني بس هي اصعب طريقه ممكنه

أفضل حل هو الايقاف المؤقت للتنفس و غالبا ما ينفع
لو مانفع نجرب الخطوات الثلاث الاخيره بالترتيب
و لو مانفعوا نحاول نسترخي أكثر و نبدأ من جديد

متى نستخدم المحفزات؟
1- لما ماتنفع مفاتيح النوم انها تنومنا كليا
2- الايقاف المؤقت نستخدمه في حدود 90%
3- وخز العضلات في حدود 95%
4- تحريك العين في حدود 99%
5- أحسن طريقه هي نبدأ بالمفاتيح لحد مانحس وصلنا 90% بعدين ناخذ المحفزات

,

مب لازم كل مره نجلس نحاول نسترخي لكامل الجسم
90% من التنشن في الجسم سببه 10% من العضلات

لو بس نحاول نركز على هالعضلات نقدر نسترخي بسرعه
أكثر عضله فيها تنشن هي عضلة الفك

و كثير من الناس مايفكرون يخلون عضلة الفك تسترخي و هذا يسبب

ألم في الاسنان
صداع
أو طنين في الاذن
و ألم في الاذن
و أحيانا دوخه


و التمرين هو اننا نضغط بأطراف اصابعنا على جوانب العضله
و ممكن بدل أصابعنا نستخدم راحة اليد و ممكن نستخدم قوه بسيطه
لأن عضلة الفك قويه شوي و نحاول نرخيها لأبعد حد و احنا نضغط



و فيه خطه هي اننا نمدد عضلات الفك بيدنا
هذي تنفع كثير في الاسترخاء بعد ماتسترخي من الضغط
نسوي هالحركه و نحاول نمددها قدر الامكان



الخطوه اللي بعدها اننا نرخي عضلات اليد
نضع يدنا على الجدار و نشدها قدر الامكان
هذا يساعدها على الاسترخاء
و نسويها باليدين كلهم



الخطوه اللي بعدها اننا نرخي الاكتاف
و الصدر باننا نحط راحد اليد على الجدار و نميل شوي ناحيته
و مع التنفس الكامل البطيء < شهيق و زفير كامل
نقدر نسترخي بعدها نوقف طبيعي و نعيد التمرين مرتين بعد



الخطوه اللي بعدها اننا نرخي عضلات القدم
وهي اننا نضع اطراف اصابع القدم مقابل جدار و نميل ناحيته
و نمدد عضلات الساق و بعدها نسوي مساج لعضلات الرجل بالاصابع



الخطوه اللي بعدها اننا نرخي عضلات اليد باننا نمدد
يد باستخدام الاصابع في اليد الثانيه و نكرر العمليه لكلا اليدين



آخر خطوه هي اننا نسوي حركة المروحه بيدنا و هذي تزيح سترس كبير
من الكتوف بس نسويها ببطئ



فيه طريقه تخلينا نسترخي أسرع بدون هالخطوات كلها
وهي اننا ننسدح على ظهرنا و ننقلب لليمين شوي و لليسار شوي بين كل قلبه 15 ثانيه نحاول
فيها نسترخي و هالطريقه اسرع
لأننا في كل خطوات الاسترخاء صح نحاول نرخي عضله بس اننا جالسين نشد ثانيه بعد مثل تمرين
اليد نرخي يد و نشد يد و هذا يبطئ العمليه

ولو سويناها و احنا منسدحين بنحرك كل العضلات سوا و نرخيها سوا و هذا اسرع

الخطوه اللي بعدها هي اننا نسوي الخطوه رقم ثنين مره ثانيه
و احنا في مرحلة يد المرفوعه نحاول نسرح في احلام اليقظه
بس هالمره بنسوي الخطوه بشكل موسع

و الخطوه اللي بعدها اننا نسوي التنفس أثناء النوم

الخطوه اللي بعدها اننا نرخي العين و نحاول مانحركها لوقت معين
ندورها شوي و بعدين نرخيها و الفكره الاساسيه اننا نتخيل ان العين مالها وجود اصلا



واحد من الحلول انك تعد 150 دقة قلب
و انت تعد بتحس القلب يطلع من مكانه و بتنسى العين
بس توقف عد بتلاحظ ان كل شي طبيعي جدا

الخطوه اللي بعدها اننا ننزل يدينا و نحاول نرخي اي شي ماسترخى
نبدا نعد مع دقات القلب و بعد كل عشره عدات ننتقل لعضله ثانيه
و نحاول نرخيها و كل هذا و احنا منسدحين على ظهرنا
طبعا من عضلة الفك الى عضلة القدم

بعدها ممكن اننا ننام و احنا نعد أو يجينا اشارة الانقلاب
ولو ماجتنا نكمل في التنفس اثناء النوم لحد ماتجينا

اذا وصلنا للمرحله اللي خلاص نحس لازم ننقلب
ننقلب ببطئ شديد على جهه معينه و نحاول مانتحرك ابدا
و نكمل وقتها التنفس اثناء النوم و شوي واحنا نايمين

فيه أشياء مهمه ممكن تزيد العمليه
1- نلبس شراريب خخخخ لأن درجة حرارة الجسم تنخفض و احنا نايمين و مانبي اي شي يشغلنا و الا يخلينا نفكر
2- سدادات اذن بس ما اظن بنحتاجها كثير و لا هي أهميتها كبيره


يوم بعد يوم بيصير هالشي عادي و سهل و نقدر نتخلص من الأرق بسهوله تامه
و كأننا نتحكم في النوم احنا بدل هو مايتحكم فينا ~

نوما هنيئا الليله
منقول

_________________

قرووب♥مملكة♥ قصيميه♥
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://saaraa.niceboard.com
 
علاج الارق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ♥●مملكة الاقسام الاسريه●♥ :: ♥●مملكة صحتنا●♥-
انتقل الى: