طريقة عمل عجينة السمبوسك

المقادير:
3 كوب دقيق
كوب ماء
1⁄4 كوب سمن نباتي
1⁄4 ملعقة صغيرة ملح
رشة صغيرة فلفل أسود

الطريقة:
1- اخلطي السمنة والملح والفلفل الأسود مع الميه، وحطّيهم مع بعض على نار متوسطة.
2- أول ما تبدأ الميه في الغليان، ضيفي عليها الدقيق مع التقليب المستمر والسريع؛ علشان الدقيق ما يكلكعش معاكي.
3- أول ما تبدأ العجينة تتشكّل معاكي، ارفعيها من على النار، وافرديها بالنشابة؛ بحيث إن سُمك العجينة ما يبقاش أكتر من 1⁄2 سم، بس ما تنسيش إنك ترشّي شوية دقيق قبل ما تفرديها.
4- بعد ما تفردي العجينة، ابدأي قطّعيها بأي شكل إنتي عايزاه سواء مثلثات أو دواير، وبعد كده احشي قطع العجين بأي خليط تحبّيه زي الجبنة والنعناع أو باللحمة المفرومة، واقليها في زيت غزير، أو رصّي قطع السمبوسك في صينية مدهونة بشوية دقيق، وادهني سطح العجينة بطبقة خفيفة من الزيت، ودخّليها الفرن لغاية ما لونها يبقى دهبي.. وبالهنا والشفا.

» 'طريقة عمل عجينة المطبق بالصور
» طريقة عمل حلى الفانتاستيك
» طريقة عمل البسبوسة
» طريقة عمل الكبسة
» طريقة عمل السينبون