حـــمــلة { بـَدّلّـهَـا }.:" مـعــًا لنجنـي الثمـار":.

زائر

ابدخل بالموضوع على طول..أنا حاب أعمل حملة { بدلهـا}
وأقصد في كلمة بدلها..أننا نبدل الكلام السئ اللي نقوله ونتلفظ فيه
إلى كلامٍ طيب يسعدنا ويسعد اللي حوالينا..ويكسبنا أجر وراء أجر
بأبسط جهد ..

-
لايخفى على الجميع إن مجتمعنا يتمتع بميزة الكلام اللي موب زين وأنا أولهم للأسف
عشان كذا حبيت أغير من نفسي وأغير اللي من حولي..إذا تكاتفنا جميع وتحمسنا..راح نقدر

هاه؟ من اللي يقول احنا مانقدر؟
احنا نقدر..

--

* الحين اذا تابعنا مباراة كرة قدم..وضيع فريقنا هدف..والا الفريق الثاني جاب علينا هدف.
* والا طلبنا من خواتنا والا اخواننا شئ ومانفذوهـ لنا.
* وإلا غلط علينا أحد وتهاوشنا ودخلنا بمناقر معه واختلفنا معه بوجهات النظر.
* أثناء قيادة السيارة.

بدأت سلسلت الشتائم ..وابقوله عشان اوضح الموضوع أكثر
{ يلعن أمه ،يلعن أبوه ،الله ياخذه ،ياكل تبن و(..)، مقطّع(...)،
ابن الحرام ،هالحكم اكيد مرتشي، ياغبي،
ياثور،ياعنز،ياحمار،ياكلب، يامتخلف،يابليس،ياجحش} الله يعزكم ويكرمكم..

ومن هالعلوم الدارجة..علما بان اللعن ( طرد وإبعاد عن رحمة الله) وحنا وش نسوى بدون رحمة الله؟!
وغير اللعن إذا دخلنا بذمتنا شئ..والله سبحانه اعلم بالنوايا.؟!
والا اذا قذفنا؟! كلمة نحسبها بسيطة بس هي بالفعل قذف..والقذف من كبائر الذنوب؟!

آخـر شئ

- كل الدعوات بتنقلب عليك.
- وبيتجمع رصيد سيئات كبر الجبال.
-بتشين علاقتك باللي حولكـ ويكرهونكـ.
- بتسئ نفسيتكـ ومزاجك يتعكر.
- لسانكـ راح يكون بذئ دايم.
- تصير عصبي وماتعرف تتعامل مع الناس.

قل لي .وش تبي تستفيد؟!

أحسن شئ أنا أقول لكـ..

{ بدلهــا}

ايه .. بدلها بكلمات طيبة..

{ الله يرضى عليك،الله يسعدك،يجزاك الجنة،تكفى،يابعد حيي ، ياقلبي، ياحبيبي،ياخويي،
الله يهديك،الله يصلحك،الله يفتح على قلبك، اعقل وخلك راكد،ياورده ،يازهرة للبنوتات}

ومن هالكلام الطيب اللي :

- يشرح الصدر.
- ويطمن القلب.
- ويريح البال.
-ويحبب الناس فيك وتزين علاقتك فيهم.
- وتصلح كل الأمور لان[ الرفق واللين مادخل في شئ الا زانه].
- حتى انت بـ تحب وتعجب بنفسك.

- والأهم من ذا وذاك..
الحسنات عندك بتزيد..

ورضا ربي عليكـ يفيد..

***

جزاك الله كل خير محمد اخوي
حمله رائعه ومهمه