البارحه مـرّت الأحـلام ب عيونـي‎

~~البارحه مـرّت الأحـلام ب عيونـي‎~~

يادافع الشعـر لا تنسـاق مـن دونـي
مادمت فـي ذمتـي سـجّ القـدم فيّـه

خلكّ على نيّتي .. وظنونـك ظنونـي
وأنا مـا أغيـرّ عليـك الظـنّ والنيّـه

البارحه مـرّت الأحـلام ب عيونـي
أحلام سـودا ماهيـب أحـلام ورديّـه

تمرّدت وأستباحـت حرمـة جفونـي
وراحت على دربهـا عجلـه وطرقيّـه

أمسيت أصوّت لها وأصبحت مغبونـي
وتفسيرهـا .. بيـن هاذيّـه وهـاذيّـه

لو تستحي دمعتي من ضحكة سنونـي
ماكـان حطّـت بنـوون العيـن ماريّـه

اللـي تناسيتهـم .. واللـي تناسونـي
بالخير مذكـوره .. وبالخيـر منسيّـه

والحبّ لا هزّ صدري حرّك شجونـي
وحطبت حدب الضلوع ونارهـا حيّـه

أكثر جروحي سببهـا اللـي يحبوّنـي
وجرح الحبايب عطيـب وكيّتـه كيّـه

تبكي على راسي وتضحك على متوني
نفضت خرجي وطاح الـداب والحيّـه

وين أنت يا اللي عليك أكوسر لحونـي
هيجنت ب إسمك وشلت أغلى هجينيّـه

يوم أنت هجسي وحدسي وأصدق فنوني
من لامني فـي غرامـك لعنبـو حيّـه

شطيّت بي في هواك وزادت شطونـي
مع لاهب الشوق بين الشمـس والفيّـه

وعلمتني كيف أغيـرّ شكلـي ولونـي
وأعيش جـوّ .. الحكايـات الغراميّـه

يا سيّد الحب .. معك الحـب مامونـي
وأنـا علـى جرّتـك عينـي شقاويّـه

مجبور لا شفتني .. ماشي على هونـي
حاولت وأزريت لا أكسر قيّد رجليه