لقيت الناس مامنهم سلامه **** لزومن يلحقك منهم ملامه

الى محبي الشعر الجزل هذي الرائعه من روائع الشعر النبطي

للشاعر: ابراهيم بن زيد المزيد

رحمه الله

لقيت الناس مامنهم سلامه **** لزومن يلحقك منهم ملامه

ولاتحسب حلالك لوتبيده **** يبي يحماك من هرج الفدامه

بذرت الجود في من لاجزاني **** سوى ذمٍ إلى هبت ولامه
[center]حقود القلب نقال الوشايا **** هذور سهمته نقل النمامه
إلى منه طرى له ماطرى له **** تكلم مايثمن وش كلامه
يقوله يزعم إنه مازحٍ به **** وهو ينقض ويفتل في عدامه
دخيل الله من خطو السملق **** إلى بالهيذوان أطلق لجامه
ألا ياليت ربي يوم سوى **** عبيده حط للطيِّب علامه
على شان الذي بالناس جاهل **** يعرف الحر من برق الجهامه
لجل بالناس شيطانٍ ملبَّس **** ولو يلوي على راسه عمامه
يغرك بالسلام وبالتحفي **** وهو شيحن وجثجاثن طمامه
مثل هذا: تحذر منه جدا **** ولا تدني مقامك من مقامه
وبعض الناس في ممشاه رافض **** يختل الناس في قل اهتمامه
يحني لحيته كنه مطوع **** ولايفرق حلاله من حرامه
دخيلك لاتحطه له ظنينه **** ترى ذاك الطمع منه السلامه
وبعض الناس يبدي لك نصيحه **** ولكن ماتعرفه وش مرامه
وهو ما مقصده نصحٍ ؛ ولكن **** يبي يلبسك للحاجة خطامه
وإلى منه قضى بك مايريده **** أخذ سدك وضربك المهامه
وبعض الناس يوريك المحبه **** وارق من البريسم في تمامه
إلى قام يتمسكن بالتلفظ **** تقول أطهر وأصح من الحمامه
وبعض الناس محمود السجايا **** رقى العليا بعزمه والتزامه
إلى منه بدى لك فيه لازم **** قضى لازمك ماثمن حطامه
كما إنه وافيٍ في كل خصله **** عريب الجد خاله من عمامه
أسال الله يرفع كل خيِّر **** عن الخذلان لايهفي مقامه
قضا نضمي ومالاق بضميري **** حلات القيل مبداته ختامه
أقول الناس مشكاهم على الله **** لزومٍ يلحقك منهم ملامه

[/center]

مشكورة على الشعر النبطي والشاعر يجسد معناته من اخلاصة مع الناس وجفاهم له ومن خلال أنتقائك لهذا الشعر يدل على إنك تحملين روح طيبة تريد أن تبذل حياتها فيما يحبه الله ويصب في مصلحة الناس وانتي إزرعي كل شي جميل ولا تنتظر الشكر من الناس ولكن من الله العزيز الكريم

» اي واحد منهم الي ماصام
» ليسوا علمانيين، بل العلمانيون “أنظف” منهم! الدكتور إياد قنيبى
» كتاب ( أُسامَةُ بن لادِنْ مُجددُ الزمانِ وقَاهرُ الأمْرِيكَانِ ) – أسمع منهم ولا تسمع عنهم
» موقع قناة الناس
» دعوه من قناة الناس