هديه للمدخنين!!!

الي من له رغبه أكيدة في أن يصاب بضعف النسل ، ونقص في نموالأولاد ، وضعف جهازالمناعه ، والتهاب الجلد ، والسرطان في الرئة والحنجرة والشفه ، والاسهال ، والامساك ، وسوءالهضم ، وتليف الكبد ، والصداع ، والغثيان ، والذبحه الصدرية ، والسل الرئوي ، والبلغم ، والبصاق ، وضيق التنفس ، والربوالشعبي .

أخي .. اذا كنت جادآ في الوصول لهذه الأمراض الاصابة بها فاءن أسهل طريق ينصحك الأطباء به هو ..

أن تدخن

وحتمن ستجد النتيجه فتاكه


يامن يريد دمار صحته ويهوي الموت منتحرآ بلا سكين
لا تيأ سن فاءن مثلكن واجد كل الذي يرجوه بالتدخين

شكرا ساره على الموضوع وربنا يكفينا شر التدخين

احساس الفاكهه كتب:

مشششششششكوررين على النصاييييح الحلوووه ,,

عاد الدخان انا اششوووف انه الوواحد بس يعزززم على تررركه ,,

اوول كنت ادخن واخر 3 سسنووات من اياام التدخيين كنت اقوول بتررركه بس اني واجهت صعوووبه كبيييررره ,, اوول ششي تعووودت اني امسسك شي بيدي وثاني شي الادمان علييه وحتى بعض الايام اللي اقوول فييه هذي اخرر علبه ما ادرري عن نفسسي الا انا ررايح ومششترري علبه جديده <-- على العاده ,,

بس الحمدالله جا يووم من الايام مررضت ,, وجلسسست يوووم كامل ما دخنت وقتها قررت اني اتررركه نهائي عششاني تررركته يوووم كامل قلت بكمل علييه ,, صدق اوول الايييام كانت صعبه ونفسسيتي ششينه ,, بس والله كلها كم ششهرر وخلاص ترووح اثاررره حتى العصبيه ترووح ,, بس ريحته الى الحين ششي هع هع ,,

الله يكفي المسسلمين ششررره ,, عاد فييه واحد من جده ررفع قضيه على احد ششررركات التبع قبل اسسبووع يمكن ,,

والله اعلم وشش صارر عليه ,,

يعطييكم العافيييه ^_^

ماشاءالله الله يثبتك ويعطيك كرهه وكره ريحته
ويعصم المسلمين والمسلمات عنه يارب

مشكور أخي على طرح الموضوع المهم. وأقول للأخت ساره كفيتي ووفيتي بهذه الردود المفيدة.
وأقول أن من ترك شئ لله عوضه الله بخير منه فمن ترك التدخين وكافة المسكرات والمخدرات أعانه الله وأمده بألطاف من عنده وعوضه صحة وسعادة حقيقية لا تلك السعادة الوهمية العابرة .

adib-22 كتب:

مشكور أخي على طرح الموضوع المهم. وأقول للأخت ساره كفيتي ووفيتي بهذه الردود المفيدة.
وأقول أن من ترك شئ لله عوضه الله بخير منه فمن ترك التدخين وكافة المسكرات والمخدرات أعانه الله وأمده بألطاف من عنده وعوضه صحة وسعادة حقيقية لا تلك السعادة الوهمية العابرة .

شاكره لك اطلالتك العطره نورت متصفحي

وااااااااااو والله الي يدخن رااح يكره التدخين

والي ما دخن بحياته .. مستحيل يدخن

موضوع رائع والاروع ردوود سارة

salm.f16 كتب:

وااااااااااو والله الي يدخن رااح يكره التدخين

والي ما دخن بحياته .. مستحيل يدخن

موضوع رائع والاروع ردوود سارة

الله يعصم كل مسلم منه
الاروع هو اطلالتك الله ينفع به واشكر الاخ تركي بدايه لطرحه الموضوع

في البداية أحب أعرفكم على نفسي ، اخوكم أبو عبدالله ، ابلغ من العمر 27 سنة ، شاب عشت في اسرة محافظة ، مو متشددة و لا منحلة ، عايش مثل أي شاب ، لي احلام و طموحات ..

الــقــصــة


كنت ادرس في ثالث ثانوي و للأسف جبت وقتها النصف الأول نسبة سيئة ، اعتقد كانت 79 % ، يوم كانت الأسئلة بالنصف الثاني تجي من الوزارة ، و هذا يعني وقتها اخفاق و نسبة أقل من 79% في النصف الثاني ، لذلك كان القرار بالإنسحاب من ثالث ثانوي على أن اعود في بداية السنة للدراسة من جديد ، كنت في بداية الأمر مستناس كوني في اجازة طويييييييييلة جداً ،الترم الثاني كامل + العطلة الصيفية ، كنت وقتها اروح بالسيارة من هنا و من هنا ، و فاضي و لا شغل و لا مشغلة .

بداية الهلاك .. بتجربة


واحد من الشباب كانت علاقتي به جيدة و كنت دايم اشوفه يدخن ، كنت استغرب وش الفايدة اللي يستفيده من التدخين ؟

(طبعاً العائلة كاملة و لله الحمد ما فيها احد يدخن في وقتها ، و كان اقرب واحد اشوفه يدخن هو نسيبي ، ، حتى اذكر في مرة من المرات يوم كنت صغير تقريبا ً 8 سنوات ، كنا متوجهين بالسيارة لبيت اختي ، و كان فيه سؤال براسي ، سألت امي يمه التدخين مخدرات ؟ << اقصد هل الدخان يعد من المخدرات ؟ قالت ايه يا وليدي الدخان مهب زين ، و الدخان ما يصلح .. الخ قلت اجل تراه ابو عبدالعزيز مدمن مخدرات ! قالت وش تقول ! قلت يدخن انا شايفه، وقتها احرجت امي و اللي معي بالسيارة كلهم ، و انا متأكد لو كانوا جاوبوني بصراحة و بدون مبالغة كان ما وصلت إلى ما وصلت فيه بالتدخين)المهم نرجع لخوينا الشاب الحبيب المدخن ، سألته مرة وش فايدة الدخان ؟قال تبيتجربه؟!قلت هات << طبعاً كان اصغر مني و مستحقره ، قلت خير ان شاء الله مهب صاير ارجل منيبديت اشفط ، و مع اول شفطة كح كح كح ، و كانت هذهبدايتي بالتدخينفي اواخرالمرحلة الثانوية و بالتحديد في عام 1421هـ ، كانت أول زقارة اخذتها بسببحب التجربة .و بعدها قال لي جرب الشيشة و رحنا لمقهى بحكم إن معي سيارة وهو لا ، و من الدجة طلبنا شيشة وحدة و قمنا نمزمز عليها احنا الإثنين ، و ما اعجبتني سالفة المشوار لأن اقرب مقهى منا كان و لازال يبعد أكثر من 40 كيلو هذا غير إن الشيشة مكلفة حبتين.




الإدمــان !!



بعدها بفترة طحت بالتدخين ، و صرت ادخن بخفية عن اهلي ، اتعطر و اكل علك و لازم قبل ما اروح لأهلي أوقف الدخان من نص ساعة على الأقل ، و كنت اعاني كثير من التدخين ، انواع الاحراجات في العزايم ، و انواع الاحراجات قدام اخوياي العاقلين ، و انواع الاحراجات اللي لو قلتنصها كان انهد حيلي ما كملت الموضوع ، فيه مقولة تقول ( الدخان أوله دلع ، و آخره ولع ) ، يعني إن التدخين بالبداية يكون استهبال و فضاوة و اكبر دافع له حب الفضول ، و لكن بعد فترة ، يكون مصيبة و هم و بلاء لا يمكن التخلص منه بسهولة .مرت سنين علي و انا ادخن و لا كنت وقتها اعاني من أي مشكلة - صحية على الأقل - بل صرت أدخن في محاولة لاثبات الرجولة ! و كأن التدخين هو مفتاح الرجولة ! و احرق الروح قبل ما تروح ! بعد ما خلصت الصيفية و رجعت لمقاعد الدراسة كنت اعاني بشدة من التدخين ، صرت ابي ادخن ، و احاول ادور لي أي عذر علشان استأذن من المدرسة و اطلع ادخن ، و كنت في مرات كثيرة انجح كوني كنت طالب مهتم بالحضور و مجتهد قدر المستطاع و الفضل لله ثم للوالدين أطال الله بأعمارهم .




مــا بــعــد الــثــانــويــة

تخرجت من الثانوي ، و جت مرحلة الجامعة و اللي تعني مخالطة ناس اكثر ، و ابتعاد اكثر عن الأهل ،و غياب بالساعات أكثر ، صرت ادخن أكثر و بشراهة ، و على قولتهم صرتمدخن رسمي، يعنيالدخان ما يفارقني ، كانت تلك المرحلة بداية الدخول او بالاصح انشاء استراحة خاصة فيني انا و كم واحد من الزملاء ، وقبلها كنت مريت كذا استراحة من استراحات زملائي السابقين بالثانوي و كنت ألاحظ انتشار الشيشة بينهم بشكل قوي ، و سألت أحدهم يا فيصل وشلون انتم تشيشون كل يوم ؟ يا اخي غالية الشيشة ، ليه ما تدخن ؟ قال وييييين و الله الشيشة مزاج ، وقتها دخلت براسي الشيشة و قررت اشتري لي جديدة ، و فعلاً اشتريت ، و تركت التدخين فترة ، و صرت اشيش ، جلست فترة سنة إلى سنة و نص تقريباً ، صرتاتعيجز عن تصليح الشيشة و توليع الفحم ، و صرت اصرف عمري بالتدخين إلى ما خلاص رجعت للدخان مثل أول و استمريت على هالحال .

مــحــاولــة ..

حاولت أترك التدخين في كذا مرة من نفسي عجزت ! ، يمين يسار ماش عجزت ! جاء مجموعة من الشباب لمحافظتي و كان تبع جمعية مكافحة التدخين ، كانوا جايبين معاهم اختراع جديد على ما اعتقد شرق آسيوي ، و الاختراع كان كالتالي :جهاز يطلع منه سلكين و يخلونك تسترخي على سرير او كرسي ، و يجيب قطعتين من فضة على ما اعتقد و يلصقهم بالقرب من الأذن على كل جهة من جهات الوجه، و كان الجهاز يعطي نبضات كهربائية خفيفة ، و الفائدة منها حسب ما يقولون هو افراز مادة (الاندروفين والانكفالين ) و هي مواد كفيلة بأن تنسيك الزقارة على الأقل لمدة ساعة ، مدة العلاج كانت ستة أيام ، سجلت معهم و دفعت لهم رسومالاشتراك يوم أن كانت رمزية بـ 50 ريال ، انتظمت معهم بالجلسات ، و استطعت التوقف عن التدخين لمدة وصلت إلىأسبوعين كاملين، و رجعت للتدخين بعدها بسببمخالطة المدخنين، و كانت تلك أول محاولة رسمية لترك التدخين .

نــكــســة !!

بعدما رجعت للتدخين رجعت بشكل مأساوي خطير ، صرت ادخن بشراهة غير منطقية ، بل أن زملائي المدخنين قالوا يا ليتك ما فكرت تتعالج ! حشرتنا الحين زيادة يا ليتك ما فكرت توقف


استمريت على التدخين ، و حولت لأسوء نوع بنظري اللي هو الملبورو الأحمر ، و صرت ادخن بشراهة غير منطقية ، بكتين في اليوم أمر طبيعي ، ثم زادت بالتدريج إلى بكتين ونص إلى ما وصلت إلىثلاثة بكتات باليوم !و حاولوا تتخيلون كمية النـيكوتين اليومية ! !

أولى الأعراض ..

بعدها بفترة مرضت و تعب صدري ، و صرت اكح بشكل قوي ، حتى زهقت و مليت من التدخين و بقدرة قادر استطعت التوقف عن التدخين لمدة أعتبرها انجاز ، حيث أني توقفت عن التدخين لمدة45 يوم متواصلة !!و يا ليتني واصلت ، للأسف في لحظة ضعفرجعت للتدخين. رجعت مثل ما كنت ادخن بشكل مجنون ، و لا يردعني شيء ، ادخن بحاجة و بدون حاجة ، صرت اطفي زقارة و اولع جديدة ، و علىهالحال ، حشرت اخوياي بشكل مش طبيعي ، حتى المدخنين منهم يقولون يا اخي اترك التدخين و فكنا، هذا و هم مدخنين ، وشلون عاد المساكين الغلابا الغير مدخنين؟مع التدخين بشراهة ، بدء جسمي ما يتحمل اللي صاير ، و بدء صدري يحشرج ، و تطلع انواع الأصوات منه ، و انواع الصفير ، و الكحة صارت امر طبيعي مرة معي ، صرت عادي اكح بالدقيقة عشر مرات، خلاص تأقلمت على الوضع ، و لا اهتميت ، وقتها كنت اشتغلفي مستشفى لي أكثر من ثلاث سنوات ، و للأسف و اقولها بالفم المليان أن قطاع الصحة اعتقد و الله أعلم أنه ثاني قطاع في التدخين بعد القطاع العسكري ، منتشر فيه التدخين بشكل مخيف ، يعني ، اذكر كنا في المكتب عددنا 7 و المدخنين منا 5!!



عشرين يوم !!

زادت الكحة عندي ، و اصبحت شديدة مرة ، بل وصل الحال بي إلى أني صرت من شد الكحة امسك بالجدار لا اطيح ! ، صرت أحس راسي يبي ينفجر من الكحة ، استمرت معي الكحة الشديدة إلى 20 يوم ! انهبلت ما قدرت اتحمل ، رحت مباشرة للطوارئ في المستشفى ، و قابلت دكتور منأعز الدكاترة علي ، و شرحت له وضعي ، بالكامل و أني اكح بشكل مش طبيعي ، قال طيب ، نكشف عليك و نشوف ، حط السماعة و الله و يسمع بصدري أنواع الأصوات ، حشرجات ، تصفير ، اشياء ما توصف ! ، حتى يقول لي خذ نفس عميق ، احاول ما اقدر، قال يالله قوم سوي اشعة ، و اروح للأشعة ، و بعد ما خلصت رحت للدكتور و شفت الأشعة ، وقف الدكتور شوي ، و قال انتظر ، قلت وش فيه ؟ قال لا ما فيه إلا كل خير ، انتظرت جاء المدير الطبي بكبره، و اسمعه يتناقش هو و الدكتور حول الأشعة !



الــنــتــيــجــة ..

جاء الدكتور لمي و قال شوف ، الصراحة راحة ، و انا رجل بكلمك بصراحة ، و انت رجل عاقل منت صغير و الا حرمة علشان اخبي عليك ، انت عندكبداية تليف بالرئة اليمنى!! انا طارت عيوني وش تقول يا دكتور !! قال تعال شوف الأشعة ، و يقعد يشرح لي و يبين لي ، بصراحة ما اكذب عليكم و الله ضاقت بي الدنيا و كرهت نفسي ، و طلعت و من شدة الصدمة نسيت آخذ العلاج ، لا و طلعت وولعت زقارةعلشان افكر مضبوط! بعدهاقررت أغير نوع الدخان ، قلت خلاص كافي لازم اخفف على نفسي ، و اخذ لي نوع خفيف << اهك على نفسي بسو الله و فعلاً غيرت لنوع ثاني خفيف ، و سبحان الله راحت الكحة الشديدة و خفت كثييييير ، صحيح الكحة موجودة ، و هذا حال كل المدخنين ، لكن راحت الكحة اللي كنت معها امسك الجدار من الصداع !

انــتــقــال

بعدها بفترة و تحديداً بتاريخ 1429/7/20هـ جاني خبر تعييني في الرياض ، و قررت مع هذي الوظيفة أن اغير ما كنت عليه و أناحاول اغيرحياتي و ابتعد عن التدخين ، و دورت لي شباب اسكن معهم و اهم شرط لي كان أنهم ما يكونون مدخنين علشان اقدر اترك التدخين ، دورت و دورت و دورت و للأسف ما حصلت إلا شقة وحدة و فيها اقارب لي و عددهم 3 و واحد منهم مدخن ، بس كان يعد مدخن مبتدأ جداً مقارنة بالتدخين اللي ادخنه انا ، صحيح وقتها خفيت و صرت ادخن من بكت إلى بكتين بالكثير .حاولت من ثاني اسبوع لي في الرياض أن اتوقف عن التدخين من نفسي ما قدرت ، رحت لأقرب فرع لعيادة مكافحة التدخين ، باستخدام جهاز الملامس الفضي ، و جلست معاهم فترة اسبوع ، بس ماش ما قدرت و لا استفتد و لا وقفت أكثر من 4 ايام فقط .بعدها وصلت لمرحلة يأس ، لأني في مرة من المرات استطعت الوقوف لمدة 45 يوم !! تسلل الإحباط و اليأس لداخلي ، و استسلمت وقتها ، و رضخت للمر اللي كنت عايش فيه ، كنت اتردد بشكل أسبوعي من الرياض للقصيم و العكس ، و فيني طبع و هو أني مستحيل المستحيلات أروح مع أحد ، يعني اللي يبي يجي معي حياه الله ، بس اروح مع أحد و في سيارته ، ماش ما اقدر ، و السبب لأني ما ابي ينتقدني و انا ادخن ، ابي اخذ راحتي في سيارتي .في أحد الأسابيع و انا راجع من القصيم للرياض ، كنت ادخن كالعادة و كاس الشاهي ما يفارقني ، في ذاك اليوم انحشر صدري بقوة ، و حسيت إني ما اقدر اتنفس من التدخين ، و كرهت العيشة كره ، يوم وصلت الرياض على طول على الصيدلية ، كلمت المصري قلت عطني لصقات نيكوتين ، قال انت مدخن بشراهة و الا يعني ، قلت لا بشراهة و نص ! قال ما راح تفيدك لصقات الـنيكوتين ، قالت و الحل يعني ؟ استمر ادخن إلى ما اموت !؟

منقول من مدونة كادي[/center][/center]

بارك الله فيك

طريقة عرضك رائعة

mooody77 كتب:

بارك الله فيك

طريقة عرضك رائعة

وفيك بارك
الاروع تواجدك

يسلمووووووووووو سوسو الله يهديهم